Մոսկվայի «Կուսկովո» անտառապուրակում թոռների աչքի առաջ թոշակառուին սպանած տղամարդուն դատարանը 8 տարվա ազատազրկման է դատապարտել խիստ ռեժիմի գաղութում, հայտնում է Մոսկվայի դատախազության Telegram-ալիքը:
Հետաքննության տվյալներով՝ 2024 թվականի հունիսի 4-ին Ալեքսանդր Շտոլցը, գտնվելով Մոսկվայի Կուսկովոյի այգում, հակամարտության ընթացքում դանակով հարվածել է նախկինում անծանոթ տղամարդու սրտին։ Ստացված վնասվածքներից տուժողը տեղում մահացել է, իսկ մեղադրյալը դիմել է փախուստի:
«Չարագործին փնտրել են երեք օր, իսկ չորրորդ օրը նա ինքն է եկել իրավապահ մարմինների մոտ։ Այդ ժամանակ Պերովո շրջանի 64-ամյա բնակիչ Ալեքսանդր Շտոլցը զղջացել է, սակայն դատարանում մեղքն արդեն չի ընդունել՝ նշելով, որ տուժողն առաջինն է հարձակվել իր վրա եւ սկսել խեղդել, իսկ ինքը դանակով հարվածել է ինքնապաշտպանության նպատակով», – ասված է գերատեսչության հաղորդագրության մեջ։
Մայրաքաղաքի դատախազությունը նշում է, որ Մոսկվայի դատախազության պետական մեղադրողի ներկայացրած ապացույցներն ամբողջությամբ հերքել են դատապարտյալի պաշտպանական վարկածը։