Պասքեթպոլ. Լիբանանի Ազգային Խումբը Մեկնեցաւ Վրաստան

Լիբանանի պասքեթպոլի տղոց խումբը, որ կը պատրաստուի 2027-ի Մոնտիալի զտումի Դ. հանգրուանի մրցումներուն, մեկնեցաւ Վրաստան, ուր բարեկամական մրցում մը կատարելէ ետք տեղւոյն ազգային խումբին դէմ, պիտի անցնի Թուրքիա` մրցելու Փորթուգալի ազգային խումբին դէմ` շաբաթ օր, իսկ կիրակի օր պիտի վերադառնայ Պէյրութ:

Այս փորձ-մրցումները շատ կարեւոր պիտի ըլլան լաւապէս պատրաստուելու յառաջիկայ երկու զտումի մրցումներէն Քորէայի (27 օգոստոսին) եւ Չինաստանի (31 օգոստոսին) դէմ:

Այժմու դասաւորումով Լիբանան կը գրաւէ պարագլուխի դիրքը (11 կէտերով), մինչ Ճափոն եւ Քաթար մէկ կէտով ետ կը մնան, իսկ Քորէա, Չինաստան եւ Սէուտական Արաբիա կը գրաւեն 4-րդ, 5-րդ եւ 6-րդ դիրքերը 9-ական կէտերով:

Առաջին երեք դիրքերը գրաւող խումբերը կը հասնին Մոնտիալին:

Նշենք, որ գլխաւոր մարզիչ Ահմետ Ֆարրան 15 մարզիկներ նկատի առած եւ հրաւիրած է ազգային խումբ, անոնցմէ 12-ը պիտի ըլլան վեջնական կազմը` զտումի յաջորդ մրցումներուն:

Ստորեւ մարզիկներու ցանկը.

1.- Ալի Մանսուր, 185 սմ, փոյնթ կարտ, 1998-ի ծնունդ:
– Ալի Մըզհեր, 180 սմ, փոյնթ կարտ, 1994-ի ծնունդ:
– Ժատ Խալիլ, 187 սմ, փոյնթ կարտ, 1996-ի ծնունդ:
– Քարիմ Զայնուն, 187 սմ, շութինկ կարտ, 1999-ի ծնունդ:
– Ամիր Սէուտ, 186 սմ, շութինկ կարտ, 1991-ի ծնունդ:
– Օմար Ժամալէտտին, 192 սմ, կարտ, 2000-ի ծնունդ:
– Սերժիօ Տարուիշ, 196 սմ, կարտ, 1996-ի ծնունդ:
– Ճօ Ապու Սամրա, 196 սմ, կարտ, 2004-ի ծնունդ:
– Մարք Խուրի, 196 սմ, ֆորուըրտ, 1998-ի ծնունդ:
– Եուսեֆ Խայեաթ, 205 սմ, ֆորուըրտ 2003-ի ծնունդ:
– Ժիհատ Խաթիպ, 206 սմ, ֆորուըրտ, 2005-ի ծնունդ:
– Հայկ Կէօքճեան, 203 սմ, փաուըր ֆորուըրտ, 1990-ի ծնունդ:
– Օմար Ժամալ, 203 սմ, փաուըր ֆորուըրտ/սենթըր, 2003-ի ծնունդ:
– Ժերար Հատիտեան, 202 սմ, սենթըր, 1995-ի ծնունդ:
Եւ Տերիք Ֆանտըրպըրք, 208 սմ, սենթըր, 1997-ի ծնունդ: