Անկայուն շրջանին մէջ Թուրքիան կարեւոր գործընկեր է: «Էքս»-ի վրայ այս մասին գրած է Եւրոպական յանձնաժողովի նախագահ Ուրսուլա Ֆոն Տեր Լեյեն` յայտնելով, որ «շատ լաւ» հեռաձայնային հաղորդակցութիւն ունեցած է Թուրքիոյ նախագահ Ռեճեփ Թայիփ Էրտողանի հետ:
«Մեր շահերը կը համընկնին` պահպանելով առեւտրական ուղիներու բաց ըլլալը, ուժանիւթի հոսքը եւ մատակարարման շղթաներու կայունութիւնը: Մենք պիտի շարունակենք սերտօրէն համագործակցիլ այս առաջնահերթութիւններուն շուրջ», գրած է Եւրոպական յանձնաժողովի նախագահը:
Ֆոն Տեր Լեյեն նաեւ նշած է, որ Եւրոպական Միութիւնը կը գնահատէ Իրանի հակամարտութեան դիւանագիտական կարգաւորման աջակցելու Թուրքիոյ ջանքերը: