Կնվազեցվի էլցանցին միացման վճարները, որոշակի սպառողական խմբերի սպառման համակարգերի համար

 Նոր սպառողի կամ սպառողի վերակառուցվող սպառման համակարգը բաշխման ցանցին միացման համար դիմող անձից գանձվող միացման վճարների մեծությունը սահմանված է ՀՀ հանրային ծառայությունները կարգավորող հանձնաժողովի 2019 թվականի դեկտեմբերի 25-ի №523-Ն որոշմամբ հաստատված Հայաստանի Հանրապետության էլեկտրաէներգետիկական շուկայի բաշխման ցանցային կանոններով։

Համաձայն նշված կանոնների միացման վճարները հաշվարկվում են որպես ստանդարտ միացման վճարի և լրացուցիչ վճարի գումար, իսկ ստանդարտ միացման վճարը հաշվարկվում է որպես ստանդարտ միացման ծախսերի և սպառողի կողմից հետագա շահագործման հաշվարկային ժամկետում էլեկտրաէներգիայի դիմաց վճարումներով ընկերության կողմից ներգրավված կապիտալի վերադարձի (շահույթի և մաշվածության միջոցով) բերված արժեքի տարբերություն։

Ստանդարտ միացման ծախսերը հաշվարկելու համար օգտագործվում են «Հայաստանի էլեկտրական ցանցեր» ՓԲԸ-ի կողմից միացման աշխատանքներում օգտագործվող նյութերի և սարքավորումների, ինչպես նաև շինմոնտաժային աշխատանքների արժեքներով։

 «Հայաստանի էլեկտրական ցանցեր» ՓԲԸ-ն ՀՀ հանրային ծառայությունները կարգավորող հանձնաժողով է ներկայացրել միացման վճարների հաշվարկման մեթոդաբանության հիմքում ընկած հարաչափերի փոփոխության վերաբերյալ տեղեկատվություն, մասնավորապես, նոր բաժանորդների բաշխման ցանցին միացման համար անհրաժեշտ շինմոնտաժային աշխատանքների և ապրանքանյութական արժեքների ձեռքբերման ուղղությամբ իրականացվող ծախսերի նվազեցման, էլեկտրաէներգիայի սպառման ծավալների փոփոխության, ինչպես նաև սակագնի մարժայի հաշվարկում ներառված շահույթի և մաշվածության ցուցանիշների փոփոխության վերաբերյալ։

Համագործակցելով «Հայաստանի էլեկտրական ցանցեր» ՓԲԸ-ի ներկայացուցիչների հետ՝ ուսումնասիրելով նախորդ տարվա ընթացքում սպառված էլեկտրաէներգիայի, սպառողների կողմից էլեկտրաէներգիայի սպառման միջոցով միացման ծախսերի հատուցման ծավալների, սպառման համակարգերի՝ բաշխման ցանցին միացման գործընթացում կիրառվող սարքավորումների, ենթակառուցվածքների, աշխատանքների և այլ գործոնների նախահաշիվների փոփոխությունները՝ հանձնաժողովը մշակել է սպառման համակարգերի՝ բաշխման ցանցին միացման վճարների վերանայման վերաբերյալ որոշման նախագիծ։

Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Առաջարկվող փոփոխությունները

Որոշման նախագծով առաջարկվում, հաշվի առնելով առկա փոփոխությունները, նվազեցնել միացման վճարները՝ հետևյալ սպառողական խմբերի սպառման համակարգերի համար.

1. Առանձնատների, բազմաբնակարան շենքերում գտնվող բնակարանների և առևտրային սպառողների 0,22 կՎ լարման սպառման համակարգերի միացում,
2. առևտրային սպառողների 0,4 կՎ լարման սպառման համակարգերի  միացում,
3. բազմաբնակարան շենքերի 0,4 կՎ լարման սպառման համակարգերի միացում։

Փոփոխությունը՝ թվերով

Հիմք ընդունելով «Նորմատիվ իրավական ակտերի մասին» օրենքի 33-րդ և 34 րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի «Հայաստանի Հանրապետության էլեկտրաէներգետիկական շուկայի բաշխման ցանցային կանոնները հաստատելու և Հայաստանի Հանրապետության հանրային ծառայությունները կարգավորող հանձնաժողովի մի շարք որոշումներ ուժը կորցրած ճանաչելու մասին» №523-Ն որոշման 1-ին կետով հաստատված Հայաստանի Հանրապետության էլեկտրաէներգետիկական շուկայի բաշխման ցանցային կանոնների №4 հավելվածում (այսուհետ՝ հավելված) կատարել հետևյալ փոփոխությունները.

1)     հավելվածի 1-ին կետի Աղյուսակ N1-ում «277», «300», «229», «234» թվերը փոխարինել համապատասխանաբար «166», «199», «124», «140» թվերով.

Միացման տեսակը	Միացվող առավելագույն հզորությունը	Ստանդարտ միացման վճարը հազար դրամ ( ներառյալ` ավելացված արժեքի հարկը)
		Երևան քաղաքի տարածք	Հայաստանի Հանրապետության տարածք (բացառությամբ Երևան քաղաքի)
Միաֆազ (0.22 կՎ)	10 կՎԱ	166	229
	14 կՎԱ	199	234
Միացման ուժեղացում	10կՎԱ-ից 14 կՎԱ	140	5

2)    hավելվածի 2-րդ կետի 1-ին ենթակետում «300 000» թիվը և «երեք հարյուր հազար» բառերը փոխարինել «229 000» թվով և «երկու հարյուր քսանինը հազար» բառերով.

3)    հավելվածի 2-րդ կետի 2-րդ ենթակետում «46 000», «20 000» թվերը և «քառասունվեց հազար», «քսան հազար» բառերը փոխարինել համապատասխանաբար «16 000», «9 000» թվերով և «տասնվեց հազար», «ինը հազար» բառերով.

Ըստ այդմ՝

2. 0.4 կՎ լարմամբ միացվող առանձնատների և առևտրային սպառողների սպառման համակարգերի ստանդարտ միացման վճարները (ներառյալ՝ ավելացված արժեքի հարկը) որոշվում են հետևյալ բանաձևով`

Վստ = Վհ + Վփ * Պհզ

որտեղ`

• 1) Վհ-ն հաստատուն ծախսերի մեծությունն է, որն ընդունվում է հավասար 229 000 (երկու հարյուր քսանինը հազար) դրամի,
• 2) Վփ-ն փոփոխական ծախսերի մեծությունն է, որը յուրաքանչյուր կՎԱ-ի համար Երևան քաղաքի տարածքում ընդունվում է հավասար 16 000 ( տասնվեց հազար) դրամի, իսկ Հայաստանի Հանրապետության այլ տարածքներում՝ 9 000 (ինը հազար) դրամի

4)    hավելվածի 3-րդ կետի Աղյուսակ N2–ում «672», «448», «769», «520» թվերը փոխարինել համապատասխանաբար «406», «275», «424», «318» թվերով.

 

Միաֆազ միացմամբ բնակարանների և առևտրային սպառողների քանակը	Մեկ բնակարանի կամ առևտրային սպառողի միացման վճարը միաֆազ միացման դեպքում, հազար դրամ (ներառյալ` ավելացված արժեքի հարկը)
	10 կՎԱ հզորություն		14 կՎԱ հզորություն
	Երևան քաղաքի տարածք	Հայաստանի Հանրապետության տարածք (բացառությամբ Երևան քաղաքի)	Երևան քաղաքի տարածք	Հայաստանի Հանրապետության տարածք (բացառությամբ Երևան քաղաքի)
	406	275	424	318

5)    hավելվածի 4-րդ կետի 1-ին ենթակետում «300 000» թիվը և «երեք հարյուր հազար» բառերը փոխարինել «229 000» թվով և «երկու հարյուր քսանինը հազար» բառերով,

6)   hավելվածի 4-րդ կետի 2-րդ ենթակետում «89 000», «42 000» թվերը և «ութսունինը հազար», «քառասուներկու հազար» բառերը փոխարինել համապատասխանաբար «61 000», «28 000» թվերով և «վաթսունմեկ հազար», «քսանութ հազար» բառերով։

Ըստ այդմ՝ 

4. Բազմաբնակարան շենքերի բնակարանների և առևտրային սպառողների միացման վճարները 0.4 կՎ լարմամբ միացման դեպքում (ներառյալ՝ ավելացված արժեքի հարկը) որոշվում են հետևյալ բանաձևով`

Վ3 = Վհ + Վփ * Պհզ

որտեղ՝

1) Վհ-ն հաստատուն ծախսերի մեծությունն է, որն ընդունվում է հավասար 229 000 (երեք հարյուր հազար) դրամի,

2) Վփ-ն փոփոխական ծախսերի մեծությունն է, որը յուրաքանչյուր կՎԱ-ի համար Երևան քաղաքի տարածքում ընդունվում է հավասար 61 000 (վաթսունմեկ հազար) դրամի, իսկ Հայաստանի Հանրապետության այլ տարածքներում՝ 28 000 (քսանութ հազար) դրամի