Թեհրանում հարձակման է ենթարկվել 1920 թվականին հիմնադրված բժշկական հետազոտությունների կենտրոն․ գրում է Al Jazeera-ն` Իրանի առողջապահության նախարարությանը հղումով։
Իրանի առողջապահության նախարարության ներկայացուցիչ Հոսեյն Քերմանպուրը հայտարարել է, որ հարձակման հետևանքով կենտրոնը լուրջ վնասներ է կրել։
«Իրանի Պաստերի ինստիտուտի՝ համաշխարհային առողջապահության դարավոր հենասյան և Պաստերի միջազգային ցանցի անդամի դեմ ուղղված ագրեսիան ուղիղ հարձակում է միջազգային առողջապահական անվտանգության վրա։ Սա խախտում է Ժնևի կոնվենցիաները և Միջազգային մարդասիրական իրավունքի սկզբունքները»,- ասել է Քերմանպուրը։