Իրանի հետ կապված «Handala» (Handala Hack Team) հաքերային խումբը հայտարարել է ԱՄՆ Հետաքննությունների դաշնային բյուրոյի տնօրեն Քեշ Պատելի անձնական էլեկտրոնային փոստը կոտրելու մասին:
Հաքերները համացանցում տարածել են Պատելի անձնական լուսանկարները (որտեղ նա սիգար է ծխում, մեքենա վարում կամ լուսանկարվում հայելու առջև), ինչպես նաև նրա ինքնակենսագրականը (resume) և անձնական նամակագրությունը:
ՀԴԲ-ն հաստատել է կոտրելու փաստը, սակայն շեշտել է, որ գողացված տեղեկությունները հին են (հիմնականում 2010-2019թթ. ժամանակահատվածի) և չեն պարունակում կառավարական գաղտնի տեղեկություններ:
Արևմտյան հետազոտողները կարծում են, որ «Handala»-ն Իրանի պետական կիբերհետախուզության ստորաբաժանումների կողմից օգտագործվող կեղծանուններից մեկն է:
Իսրայելական Check Point ընկերության մարդկային ռեսուրսների գլխավոր տնօրեն Գիլ Մեսինգը հայտարարել է, որ Պատելի դեմ հաքերային հարձակումը և տվյալների արտահոսքը Իրանի ռազմավարության մի մասն է, որն ուղղված է ԱՄՆ պաշտոնյաներին վարկաբեկելուն և «նրանց խոցելի դարձնելուն»: