28 մարտի 2026 – 14:31 AMT
PanARMENIAN.Net – Կիսապաշտպան Էդուարդ Սպերցյանը թեթև վնասվածք ունի, կարող է չմասնակցել Հայաստանի հավաքականի խաղին: Այդ մասին ասել է «Կրասնոդար» ֆուտբոլային ակումբի գլխավոր մարզիչ Մուրադ Մուսաևը:
Նա կարող է վաղաժամ «Կրասնոդար» վերադառնալ, հայտնում է Sportbox.ru-ն:
«Էդիկը թեթև վնասվածք ունի։ Հայաստանի ազգային հավաքականն այժմ որոշում է, թե արդյոք նա կվերադառնա խաղադաշտ», – ասել է Մուսաևը:
Մարտի 29-ին Հայաստանի ազգային հավաքականն ընկերական հանդիպում ունի Բելառուսի ընտրանու դեմ։
Ընթացիկ մրցաշրջանում Սպերցյանը մասնակցել է 31 հանդիպման տարբեր մրցաշարերում, դարձել է 12 գոլի հեղինակ և գրանցել 16 գոլային փոխանցում։