Բեյրութի կենտրոնում Իսրայելի ռազմաօդային ուժերի կողմից իրականացված հարվածի հետևանքով զոհերի թիվը հասել է 11-ի, հայտնել է երկրի առողջապահության նախարարությունը։
«Բեյրութի Զուկաք էլ-Բլաթ և Բոստա խիտ բնակեցված թաղամասերի վրա Իսրայելի կողմից իրականացված հարձակման ժամանակ զոհվել է տասնմեկ քաղաքացիական անձ, ևս ինը վիրավորվել է։ Փրկարարական խմբերն աշխատում են դեպքի վայրում, և զոհերի թիվը կարող է աճել», – ասվում է նախարարության հայտարարության մեջ: Ավելի վաղ հաղորդվել էր չորս զոհի և յոթ վիրավորի մասին։
Քաղաքացիական պաշտպանության ծառայության տվյալներով՝ հրթիռներ են արձակվել երեք բազմահարկ շենքերի վրա: Հրդեհները արագորեն մարվել են, և բոցերը չեն տարածվել հարևան շենքերի վրա, սակայն պայթյունի ալիքը ոչնչացրել է մի քանի մոտակա շենքերի ճակատային մասերը։
Իսրայելական ինքնաթիռները գիշերը ինը հարված են հասցրել Բեյրութի հարավային ծայրամասերին, որոնց մեծ մասը հարվածել է Բիր Աբեդ և Էլ-Ջամուս թաղամասերին։