Պորտուգալիայում ավարտվել է նախագահական ընտրությունների քվեարկությունը: Ամենաբարձր պաշտոնի համար պայքարում են ռեկորդային թվով թեկնածուներ՝ 11 (10 տղամարդ և մեկ կին):
Ընտրատեղամասերը բացվել են տեղական ժամանակով ժամը 8:00-ին և բաց են մնացել մինչև երեկոյան ժամը 7:00-ն: Նախնական արդյունքները, ինչպես սպասվում է, կհրապարակվեն գիշերը: Եթե թեկնածուներից ոչ մեկը չհավաքի ձայների 50%-ից ավելին, փետրվարի 8-ին կանցկացվի ընտրությունների երկրորդ փուլը:
Գործող նախագահ Մարսելո Ռեբելո դե Սոուզան պաշտոնը ստանձնել է 2016 թվականին և վերընտրվել 2021 թվականին: Նա չի կարողացել կրկին առաջադրվել, քանի որ տեղական օրենսդրությունը թույլ չի տալիս երեք անընդմեջ ժամկետ:
Ընտրություններից առաջ անցկացված տարբեր հարցումները ցույց էին տալիս, որ առաջին փուլում ոչ մի թեկնածու չի հավաքի ձայների 50%-ից ավելին: Այդ դեպքում կանցկացվի երկրորդ փուլ, որին կմասնակցեն միայն ամենաշատ ձայներ ստացած երկու թեկնածուները: Վերջին անգամ դա տեղի է ունեցել 1986 թվականին: