Ամփոփիչ ասուլիսում պատասխանելով դպրոցներում թմրամիջոցների տարածման վերաբերյալ լրագրողի հարցին՝ ԿԳՄՍ նախարար Ժաննա Անդրեասյանը նշեց, որ այս ուսումնական տարին հայտարարված է անվտանգ եւ ապահով ուսումնական տարի՝ նպատակ ունենալով բարձրացնել երեխաների եւ ուսուցիչների իրազեկվածությունը տարբեր հարցերի վերաբերյալ,այդ համատեքստում ակտիվ աշխատում են նաեւ ՆԳ նախարարության հետ:
«Շատ աչալուրջ ենք, մեր բոլոր դպրոցները վստահաբար տեղեկացված են եւ առաջին ահազանգողն են այն դեպքերում, երբ որեւէ կասկածելի բան են նկատում: Ցավոք, ապրում ենք մի իրականությունում, որտեղ թմրանյութերը մեր իրականության մասն են,եւ դպրոցները պաշտպանելու կարիք կա»,- ասաց Ժաննա Անդրեասյանը:
Հավելեց, որ առաջիկայում կլինեն դպրոցի մուտքը սահմանափակող հատվածներ, հատկապես ավագ դպրոցները կհագեցվեն տեսախցիկներով, կլինեն պարբերական այցեր եւ կամրապնդվի կապը համայնքային ոստիկանության հետ:
Ասուլիսն՝ ամբողջությամբ.
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: