Հունվար 02,2026 11:44
ՌԴ նախագահ Վլադիմիր Պուտինի նովգորոդյան նստավայրի վրա ուկրաինական հարձակման ժամանակ խոցված ուկրաինական զինված ուժերի անօդաչու թռչող սարքի տվյալները փոխանցվել են ԱՄՆ դեսպանատան ռազմական կցորդի գրասենյակի ներկայացուցչին: Հայտնում է Իզվեստիան, հղում անելով Ռուսաստանի պաշտպանության նախարարությանը։
Նշվում է, որ Ռուսաստանի Գլխավոր շտաբի գլխավոր հետախուզական վարչության պետը Մոսկվայում հանդիպել է ԱՄՆ ռազմական կցորդի հետ և նրան հանձնել Ուկրաինայի կողմից Ռուսաստանի նախագահական նստավայրը անօդաչու թռչող սարքերով գրոհելու փորձի վերաբերյալ նյութեր։
«2025 թվականի դեկտեմբերի 29-ի գիշերը Նովգորոդի մարզում ռուսական ՀՕՊ համակարգերի կողմից խոցված ուկրաինական անօդաչու թռչող սարքի երթուղու վերծանված տվյալները փոխանցվել են Միացյալ Նահանգներին՝ Մոսկվայում», – նշված է հաղորդագրության մեջ։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: