«Վագիֆ Խաչատրյանի առողջական վիճակի վերաբերյալ մեր մարմինները, այո, տեղեկություններ են հավաքում եւ փոխանցում». Փաշինյան

«Պատրաստվում եմ պատարագի մասնակցել Գառնիի Սուրբ Աստվածածին եկեղեցում, դրա մասին լրացուցիչ հայտարարություն կանեմ, բայց արդեն արեցի»,- կառավարության այսօրվա նիստից հետո լրագրողների հետ ճեպազրույցում ասաց Նիկոլ Փաշինյանը՝ պատասխանելով հարցին, թե այս կիրակի պատարագի մասնակցելո՞ւ է։

Անդրադառնալով հարցին, թե Բաքվի բանտում գտնվող Վագիֆ Խաչատրյանի առողջական վիճակի վերաբերյալ տեղեկություններ փորձո՞ւմ են ստանալ, Նիկոլ Փաշինյանը պատասխանեց․ «Վագիֆ Խաչատրյանի առողջական վիճակի վերաբերյալ մեր մարմինները, այո, տեղեկություններ են հավաքում եւ փոխանցում։ Այս պահին հրապարակային հայտնի տեղեկությունից ավելի տեղեկություն չեմ կարող հայտնել»։

Մանրամասները՝ տեսանյութում

Օրերս հրապարակվել էր ԱԱԾ տրամադրած փաստաթուղթը եւ տեղեկություն, թե Եզրաս արքեպիսկոպոս Ներսիսյանն այժմ էլ է շարունակում կապեր պահպանել օտարերկրյա պետությունների հատուկ ծառայությունների հետ։ Հարցին, թե որ երկրների մասին է խոսքը, Ռուսաստանը կա՞ այդ թվում, Նիկոլ Փաշինյանը պատասխանեց․ «ԱԱԾ-ի պատասխանին ավելացնելու ոչինչ չունեմ, եթե կառավարությունը որեւէ լրացուցիչ բան կունենա ասելու, կհրապարակի»։

Ամբողջական տեսանյութը՝ այստեղ

Ռոզա ՀՈՎՀԱՆՆԻՍՅԱՆ