Օդինցովոյի դպրոցներից մեկում զինված հարձակում իրականացրած դեռահասը խոստովանել է մեղքը։
Ինչպես գրում են ռուսական լրատվամիջոցները, 15-ամյա դեռահասը նախ հարձակվել է դպրոցի անվտանգության աշխատակցի վրա, նրա դեմքին արցունքաբեր գազ ցողել ու դանակահարել, ապա հարձակվել է 10-ամյա մի տղայի վրա, որը չի հասցրել փախչել։ Ստացած վիրավորումից 10-ամյա տղան մահացել է։ Նշվում է, որ նրա հետ նույն դասարանում սովորում էր նաև եղբայրը։
Նշվում է, որ դեռահասը տարված է եղել զենքերով ու ռազմական թեմաներով, դեմ է եղել հրեաներին, մուսուլմաններին ու լիբերալներին։
Նա մեկ անգամ չէ, որ հայտարարել է, թե ինչքան է ատում մարդկանց՝ նրանց անվանելով «կենսաբանական թափոններ» և պնդելով, որ նրանց կյանքն «անիմաստ է»։ Նա նաև ասել է, որ մարդիկ դա հաստատել են իր նկատմամբ իրենց «զզվելի վարքագծով»։
Տղան ձերբակալվել է։