Շվեդիայի արտաքին գործերի նախարար Մարիա Մալմյոր Ստեներգարդը հայտարարել է, որ Ստոկհոլմը երբեք չի ճանաչի Ուկրաինայի սահմանների կամ Ռուսաստանի կազմում նոր շրջանների փոփոխությունները: Նրա խոսքերը մեջբերել է The Guardian-ը։
«Քանի որ Ռուսաստանը չի փոխել իր դիրքորոշումը, Շվեդիան և ԵՄ-ն նույնպես չեն փոխել իրենցը: Մեր դիրքորոշումը մնում է անփոփոխ. արդար և երկարատև խաղաղության հասնելու համար սահմանները չեն կարող փոխվել ուժով», – ասել է Ստեներգարդը։
Նա ընդգծել է, որ Շվեդիան չի ճանաչում Ղրիմի միացումը Ռուսաստանին կամ «ուկրաինական տարածքի որևէ այլ մաս»: Արտաքին գործերի նախարարը հայտարարել է, որ «մտադիր չէ խրախուսել ագրեսիան»: