Սիրիայի անցումային կառավարության ներքին գործերի նախարարությունը այս տարվա փետրվարից ի վեր վերանայել է մուտքի արգելքի 8 միլիոն գործ։
Ներքին գործերի նախարարության խոսնակ Նուրեդդին ալ-Բաբայի խոսքով՝ մի քանի ամսվա ընթացքում նախարարությունը կավարտի Արաբական Հանրապետություն մուտք գործելու արգելք ունեցող անձանց ցուցակից միլիոնավոր սիրիացիների հանելու գործընթացը։
Նրա խոսքով՝ մուտքի արգելքները «գործում են Բաասի հեղաշրջումից (1963 թվականի հեղաշրջումը Սիրիայում — խմբ.) ի վեր»։
«Այս տարվա փետրվարից ի վեր Ներքին գործերի նախարարությունը վերանայել է մուտքի արգելքի 8 միլիոն գործ։ Մի քանի ամսվա ընթացքում մենք կավարտենք մուտքի արգելք ունեցող միլիոնավոր սիրիացիների անունները հանելու գործընթացը», — վստահեցրեց նախարարության խոսնակը։
Նա բացատրեց, որ Ներքին գործերի նախարարությունը աշխատում է քաղաքական պատճառներով սև ցուցակում գտնվողներին նույնականացնելու ուղղությամբ, ովքեր հանցագործներ չեն։ Միևնույն ժամանակ, ալ-Բաբան նշեց, որ մոտ մեկ միլիոն սիրիացի, որոնք կապված են երկրի նախկին իշխանությունների հետ, ներկայումս գտնվում են մուտքի արգելքի տակ։