ԵՐԵՎԱՆ, ՆՈՅԵՄԲԵՐԻ 21, 24News
Մամուլում լուրեր են տարածվում, որ երեկ Արարատյան Հայրապետական թեմի քահանաների հետ հանդիպմանը Վեհափառը ասել է, թե «Թալինում հոգևոր ծառայություն իրականացնող Տեր Թադե քահանա Թախմազյանը պետք է կարգալույծ արվի»: 24News-ը հարցմամբ դիմել է Մայր Աթոռի Տեղեկատվական համակարգի տնօրեն Տեր Եսայի քահանա Արթենյանին՝ լուրի իսկությունը ճշտելու։ Ի պատասխան մեր հարցման՝ Տեր Եսային ասաց․
«Հայոց Հայրապետը նման հայտարարություն չի արել և դա հերյուրանք է, ինչը կարող է հաստատել նաև այդ հանդիպմանը ներկա ցանկացած քահանա»:
Մենք հետաքրքրվեցիք, իսկ Տեր Թադեն այսօր հրավիրվե՞լ է Մայր Աթոռ և քննվու՞մ է նրա հարցը, քահանան ասաց, որ, այո, հրավիրվել է Կարգապահական հանձնախմբի հետ հանդիպման և հարկ եղած դեպքում արդյունքների մասին կտեղեկացվի:
Տեղեկացնենք նաև՝ Տեր Թադեն անձամբ ներկայացել է Կարգապահական հանձնախումբ։
Մերի Մանուկյան
–00—ՅՄ