Իրինա Շեյքը բացահայտ պատմել է, թե ինչպես են ինքն ու իր նախկին ընկերը՝ Բրեդլի Քուփերը, դաստիարակում իրենց ութամյա դստերը՝ Լեային։ 39-ամյա մոդելը մանրամասներով կիսվել է People-ին տված հարցազրույցում։
Ըստ Շեյքի՝ չնայած իր երիտասարդ տարիքին, Լեան արդեն «լավ հասկանում է, թե ինչ են անում իր ծնողները» և չի դժգոհում նրանց խիտ գրաֆիկից կամ հաճախակի գործուղումներից։ Իրինան ընդգծել է, որ ինքն ու Քուփերը շնորհակալ են դրա համար և փորձում են որքան հնարավոր է շատ ժամանակ անցկացնել նրա հետ՝ անելով ամեն ինչ, որպեսզի նա իրեն անտեսված չզգա։
«Մենք նաև թույլ չենք տալիս նրան օգտագործել գաջեթներ՝ գրեթե երբեք», – նշել է Շեյքը։ Դրա փոխարեն, նրա ծնողները ավելի շատ են խոսում դստեր հետ, վստահություն են ներշնչում և ստեղծում սիրող միջավայր նրա համար։ «Ամենալավ բանը, որ կարող եք տալ երեխային, ընտանիք է, որտեղ նրան սիրում են», – բացատրել է մոդելը։
Իրինան նաև պատմել է, որ ինքը Լեային սովորեցնում է գնահատել իրեն. «Այսօր չափազանց շատ պարտադրված գեղեցկության չափանիշներ կան, և ես, իհարկե, փորձում եմ պաշտպանել իմ դստերը դրանցից»։
