19:49 18.11.2025 (Թարմացված է: 19:51 18.11.2025)
Բաժանորդագրվել
ԵՐԵՎԱՆ, 18 նոյեմբերի – Sputnik. Այսօր Մեծամորի ոստիկանության հենակետի մոտակայքում ավտոմեքենաներ են բախվել, կա մեկ զոհ։ Տեղեկությունը հայտնում են ՆԳՆ փրկարար ծառայությունից։
Նշվում է, որ ավտովթարի մասին ահազանգը ստացվել է ժամը 15։17-ին։
Դեպքի վայր մեկնած փրկարարները պարզել են, որ բախվել են «Chevrolet» և «Mitsubishi» մակնիշների ավտոմեքենաները․ վերջինս բռնկվել։ «Mitsubishi» մակնիշի ավտոմեքենայի վարորդը մահացել է։
Հրդեհը մեկուսացվել է ժամը 15:34-ին, մարվել՝ 15:48-ին: Այրվել է «Mitsubishi» մակնիշի ավտոմեքենան։