Հայրապետ Գալստյանի գիտելիքներն ու նվիրվածությունը բժշկության և հատկապես ուռուցքաբանության ոլորտին անջնջելի հետք են թողել․ Արսեն Թորոսյան

ՔՊ վարչության անդամ Արսեն Թորոսյանի ֆեյսբուքյան գրառումը

Ցավակցում եմ Հայրապետ Մեսրոպի Գալստյանի ընտանիքին, հարազատներին, գործընկերներին և նրա սաներին՝ անգնահատելի կորստի կապակցությամբ։ Հայրապետ Գալստյանը ոչ միայն բազմաթիվ բժշկական սերունդների ուսուցիչն էր, այլև նվիրյալ մասնագետ, ով իր կյանքը նվիրեց ուռուցքաբանության զարգացմանը և անհաշվելի մարդկանց կյանքեր փրկելուն։

Նրա գիտելիքներն ու նվիրվածությունը բժշկության և հատկապես ուռուցքաբանության ոլորտին անջնջելի հետք են թողել և կմնան որպես վառ օրինակ ամբողջ բժշկական համայնքի համար։ Նրա մարդկային և մասնագիտական արժեքները դեռ երկար տարիներ կոգեշնչեն բոլոր նրանց, ովքեր ունեցել են պատիվ աշխատելու կամ սովորելու նրա կողքին։

Հավերժ հիշատակ Հայրո Միխայլիչին։