Իշխող «Վրացական երազանք» կուսակցությունը խորհրդարան է ներկայացրել հակակոռուպցիոն բյուրոյի լուծարման մասին օրինագիծ, որի գործառույթները կկատարի պետական աուդիտի ծառայությունը: Այդ մասին երկուշաբթի հայտարարել է երկրի խորհրդարանի նախագահ Շալվա Պապուաշվիլին:
«Ներկայումս կոռուպցիայի դեմ պայքարի բյուրոն, ըստ էության, հավաքագրում և վերահսկում է պաշտոնյաների հայտարարագրերը, ինչը կարող է անել Պետական աուդիտի ծառայությունը, որն ավելի կոմպետենտ և անկախ մարմին է»,- լրագրողներին ասել է Պապուաշվիլին։
Նրա խոսքով՝ այս նախաձեռնությունը քննարկվել է Վրաստանի կառավարության հետ և հավանության է արժանացել։
Վրաստանում կոռուպցիայի դեմ պայքարի բյուրոն ստեղծվել է 2022 թվականին՝ Եվրամիության առաջարկությամբ։