Իրկուտսկում թմրանյութերի գործով ձերբակալել են մերձավոր արտերկրի պետություններից մեկի 65-ամյա բնակչի եւ 23-ամյա ռուսաստանցու: Այս մասին «Лента.ру»- ին հայտնել են Ռուսաստանի ՆԳՆ տարածաշրջանային վարչությունից։
Ոստիկանության տվյալներով՝ տղամարդիկ թմրանյութեր են գնել Կրասնոյարսկի երկրամասում, ինչից հետո դրանք վաճառել են ճամփեզրի սրճարանում, որը գտնվում էր Ուստ-Քութ քաղաքում: Հաստատությունը պատկանել է ձերբակալվածներից մեկին։
Այնտեղ խուզարկությունների ժամանակ, ինչպես նաև 65-ամյա տղամարդու մեքենայում գտել են 1,3 կգ հաշիշ և 4,3 մլն ռուբլի կանխիկ գումար: Հարուցվել է քրեական գործ՝ ՌԴ Քրեական օրենսգրքի 30-րդ հոդվածի 3-րդ մասով և 228.1-րդ հոդվածի 4-րդ մասով («Խոշոր չափերով թմրամիջոցների ապօրինի իրացման փորձ»): Ֆիգուրանտներին ձերբակալել են։