44-օրյա պատերազմի ժամանակ Թուրքիայի աջակցությունը չափազանց կարևոր էր Ադրբեջանի համար։ Ադրբեջանի արտաքին գործերի նախարար Ջեյհուն Բայրամովը այս մասին խոսել է ITV-ին տված հարցազրույցում։ Նախարարը նշել է, որ Թուրքիայի նախագահ Ռեջեփ Թայիփ Էրդողանի մշտական աջակցությունը և Ադրբեջանի նախագահ Իլհամ Ալիևի հետ նրա կանոնավոր շփումները անգնահատելի են.
«44 օրվա ընթացքում Մևլութ Չավուշօղլուն հինգ անգամ այցելել է Ադրբեջան։ Թուրքական դեսպանատներին տրվել են ուղղակի հրահանգներ. եթե Ադրբեջանից որևէ խնդրանք է ստացվել, այն պետք է անհապաղ կատարվի։ Իհարկե, մենք ուղղակիորեն չենք կապվել այլ երկրներում գտնվող թուրքական դեսպանատների հետ, բայց նույնիսկ նման աջակցության մասին իմացությունը մեծ նշանակություն ուներ»,-նշել է Բայրամովը:
Ջեյհուն Բայրամովը խոսել է նաև այդ ժամանակ Ադրբեջանում գտնվող թուրքական F-16 կործանիչների մասին. «Այդ ժամանակ հարցումներ էին արվում. ինչո՞ւ էին թուրքական F-16-ները Ադրբեջանում և ի՞նչ նպատակով էին դրանք ուղարկվել: Ադրբեջանի նախագահը պատասխանեց, որ ինքնաթիռները չեն օգտագործվում, գտնվում են գետնի վրա և ժամանել են զորավարժությունների: Սակայն, անհրաժեշտության դեպքում, դրանք կարելի է տեսնել օդում»,-եզրափակել է Բայրամովը: