Երևանում ընթացող մինչև 23 տարեկանների և երիտասարդների բռնցքամարտի Եվրոպայի առաջնությունում հայ մարզիկները հաղթանակներ են գրանցել, տեղեկանում ենք Հայաստանի բռնցքամարտի ֆեդերացիայից։
80 կգ քաշային Ալբերտ Հարությունյանը 5։0 հաշվով հաղթել է մոլդովացի Գումա Ավգուստինին։ Հայ մարզիկը մրցակցին նոկդաունի է ենթարկել։
75 կգ քաշային Սամվել Սիրամարգյանը հաղթել է բոլոր ռաունդներում՝ պարտության մատնելով ռուս Պավել Ֆիկինին։
63.5 կգ քաշային Անդրանիկ Մարտիրոսյանը երկրորդ հաղթանակն է տարել՝ առավելության հասնելով Ռուսաստանի ներկայացուցիչ Ռոման Բոգդանովի նկատմամբ։
Աղջիկների մրցապայքարում 57 կգ քաշային Էլեն Պապյանը հաղթել է Վրաստանի ներկայացուցչին։ Եվրոպայի կրկնակի չեմպիոն, 60 կգ քաշային Էլիդա Քոչարյանը հաղթել է սերբ մրցակցին։
52 կգ քաշային Արևիկ Դոխոլյանը հաղթել է՝ պարտության մատնելով լատվիացի մարզուհուն։
Բռնցքամարտի Եվրոպայի առաջնությունը անցկացվում է նոյեմբերի 1-ից 11-ը։
