Հայաստանը ներկայացնող ծանրորդները շարունակում են մրցելույթները Ալբանիայի Դյուրես քաղաքում ընթացող Եվրոպայի երիտասարդների ու մինչև 23 տարեկանների առաջնություններում:
Հայաստանի ծանրամարտի կանանց թիմի անդամ Լիանա Գյուրջյանը, երկամարտի 232 կգ արդյունքով, դարձավ Եվրոպայի մինչև 23 տարեկանների առաջնության ոսկե մեդալակիր։
Հայաստանի ընտրանու անդամ Լիանա Գյուրջյանը պոկում վարժությունում ունեցավ երեք հաջող մոտեցում` 95 կգ, 100 կգ, 102 կգ: Գյուրջյանն այս վարժությունում դարձավ ոսկե մեդալակիր: Հրում վարժությունում մեր ծանրորդը բարձրացրեց 125 կգ, 130 կգ: Այստեղ ևս նա առաջինն էր:
Սա Հայաստանի հավաքականի 5-րդ ոսկե մեդալն է ընթացիկ մրցաշարում։