Չինական նավթավերամշակման գործարանները սկսել են հրաժարվել Ռուսաստանից նավթ գնելուց՝ Ռուսաստանի նավթային ոլորտի դեմ ԱՄՆ պատժամիջոցների ֆոնին։ Այս մասին հաղորդում է Bloomberg-ը։
«Չինական նավթավերամշակման գործարանները, այդ թվում՝ պետական հսկաները և փոքր մասնավոր նավթավերամշակման գործարանները, խուսափում են ռուսական մատակարարումներից այն բանից հետո, երբ ԱՄՆ-ն և այլ երկրներ սև ցուցակում ներառեցին Մոսկվայի խոշորագույն արտադրողներին և նրա որոշ հաճախորդների», – հաղորդում է հրատարակությունը։
Նշվում է, որ պետական հսկաներ Sinopec-ը և PetroChina Co.-ն չեղարկել են ռուսական նավթի «որոշ առաքումներ»՝ «Ռոսնեֆտ» և «Լուկոյլ» ԲԲԸ-ների դեմ ԱՄՆ պատժամիջոցների սահմանումից հետո։