https://arm.sputniknews.ru/20251101/shiraki-marzpeti-khvorhrdakann-u-nra-saniky-pareki-en-tsetsel-aravvot-95337248.html
Շիրակի մարզպետի խորհրդականն ու նրա սանիկը պարեկի են ծեծել. «Առավոտ»
Շիրակի մարզպետի խորհրդականն ու նրա սանիկը պարեկի են ծեծել. «Առավոտ»
Sputnik Արմենիա
Թերթը պարզել է դեպքի մանրամասները։ 01.11.2025, Sputnik Արմենիա
2025-11-01T10:00+0400
2025-11-01T10:00+0400
2025-11-01T10:00+0400
հայաստան
շիրակի մարզ
մարզպետ
խորհրդական
ծեծ
պարեկ
https://cdn.am.sputniknews.ru/i/logo/logo-social.png
ԵՐԵՎԱՆ, 1 նոյեմբերի – Sputnik. Շիրակի մարզպետ Դավիթ Առուշանյանի խորհրդական Գոռ Սարոյանն ու նրա սանիկը՝ Արտյոմ Հովհաննիսյանը, որն աշխատում է քրեական ոստիկանությունում, ոչ սթափ վիճակում պարեկային ծառայողի են ծեծել։ Տեղեկությունը հայտնում է «Առավոտ» թերթը։ՆԳՆ-ից հաստատել են, որ ոստիկանի մասնակցությամբ միջադեպ է տեղի ունեցել, նախարարության ներքին անվտանգության և հակակոռուպցիոն վարչությունում նշանակվել է ծառայողական քննություն, կազմված փաստաթղթերն ուղարկվել են գլխավոր դատախազություն։Թերթի տեղեկություններով` Գոռ Սարոյանի սանիկին անմիջապես ազատել են աշխատանքից։«Դեպքը տեղի է ունեցել Գյումրու ոստիկանության «Կումայրի» բաժնի շենքում, որտեղ տեղակայված է պարեկային ծառայությունը։ Միջադեպը տեղի է ունեցել գիշերը՝ ժամը 1-ի սահմաններում․ պարեկին ծեծի ենթարկելու պատճառը եղել է այն, որ նա մոտ 10 օր առաջ խախտում կատարելու համար կանգնեցրել է «Ջիփ» մակնիշի ավտոմեքենան, որը պատկանել է Գոռ Սարոյանի աներոջը, և որի ղեկին եղել է նրա անչափահաս երեխան։ Գոռ Սարոյանը ևս գտնվել է այդ մեքենայում, պարեկը այն տեղափոխել է մեքենաների հատուկ պահպանվող տարածք։ Օրեր անց Գոռ Սարոյանը ոստիկան սանիկի՝ Արտյոմ Հովհաննիսյանի հետ ոչ սթափ վիճակում գնացել է ոստիկանության Կումայրի բաժնի շենքի առանձին մասնաճյուղում տեղակայված պարեկային ծառայություն ու հաշիվ պահանջել պարեկից»,– գրում է լրատվամիջոցը։Պարբերականը գրում է, որ ոստիկանության շենքում տեղակայված տեսախցիկները ֆիքսել են կատարվածը, և դա պատճառ է դարձել, որ ներքին գործերի նախարար Արփինե Սարգսյանն անմիջապես աշխատանքից հեռացնի Շիրակի մարզպետի խորհրդականի ոստիկան սանիկինԸստ թերթի աղբյուրների` պարեկը մարմնական վնասվածքներ է ստացել, սա ևս հիմք է հանդիսացել, որ քրեական ոստիկանին ոչ միայն աշխատանքից ազատեն, այլև նրա արարքի համար դիմեն Գլխավոր դատախազություն։ Արտյոմ Հովհաննիսյանի վարած «Նիվա» մակնիշի մեքենան, որը պետական է, ոստիկանության հաշվեկշռում է, տեղափոխվել է մեքենաների հատուկ պահման վայր։Այս թեմայի շուրջ թերթը փորձել է պարզաբանում ստանալ Գոռ Սարոյանից, նա չի պատասխանել հեռախոսազանգերին։
շիրակի մարզ
2025
Լուրեր
am_HY
հայաստան, շիրակի մարզ, մարզպետ, խորհրդական, ծեծ, պարեկ
հայաստան, շիրակի մարզ, մարզպետ, խորհրդական, ծեծ, պարեկ
Թերթը պարզել է դեպքի մանրամասները։
ԵՐԵՎԱՆ, 1 նոյեմբերի – Sputnik. Շիրակի մարզպետ Դավիթ Առուշանյանի խորհրդական Գոռ Սարոյանն ու նրա սանիկը՝ Արտյոմ Հովհաննիսյանը, որն աշխատում է քրեական ոստիկանությունում, ոչ սթափ վիճակում պարեկային ծառայողի են ծեծել։ Տեղեկությունը հայտնում է «Առավոտ» թերթը։
ՆԳՆ-ից հաստատել են, որ ոստիկանի մասնակցությամբ միջադեպ է տեղի ունեցել, նախարարության ներքին անվտանգության և հակակոռուպցիոն վարչությունում նշանակվել է ծառայողական քննություն, կազմված փաստաթղթերն ուղարկվել են գլխավոր դատախազություն։
Թերթի տեղեկություններով` Գոռ Սարոյանի սանիկին անմիջապես ազատել են աշխատանքից։
«Դեպքը տեղի է ունեցել Գյումրու ոստիկանության «Կումայրի» բաժնի շենքում, որտեղ տեղակայված է պարեկային ծառայությունը։ Միջադեպը տեղի է ունեցել գիշերը՝ ժամը 1-ի սահմաններում․ պարեկին ծեծի ենթարկելու պատճառը եղել է այն, որ նա մոտ 10 օր առաջ խախտում կատարելու համար կանգնեցրել է «Ջիփ» մակնիշի ավտոմեքենան, որը պատկանել է Գոռ Սարոյանի աներոջը, և որի ղեկին եղել է նրա անչափահաս երեխան։ Գոռ Սարոյանը ևս գտնվել է այդ մեքենայում, պարեկը այն տեղափոխել է մեքենաների հատուկ պահպանվող տարածք։ Օրեր անց Գոռ Սարոյանը ոստիկան սանիկի՝ Արտյոմ Հովհաննիսյանի հետ ոչ սթափ վիճակում գնացել է ոստիկանության Կումայրի բաժնի շենքի առանձին մասնաճյուղում տեղակայված պարեկային ծառայություն ու հաշիվ պահանջել պարեկից»,– գրում է լրատվամիջոցը։
Պարբերականը գրում է, որ ոստիկանության շենքում տեղակայված տեսախցիկները ֆիքսել են կատարվածը, և դա պատճառ է դարձել, որ ներքին գործերի նախարար Արփինե Սարգսյանն անմիջապես աշխատանքից հեռացնի Շիրակի մարզպետի խորհրդականի ոստիկան սանիկին
Ըստ թերթի աղբյուրների` պարեկը մարմնական վնասվածքներ է ստացել, սա ևս հիմք է հանդիսացել, որ քրեական ոստիկանին ոչ միայն աշխատանքից ազատեն, այլև նրա արարքի համար դիմեն Գլխավոր դատախազություն։ Արտյոմ Հովհաննիսյանի վարած «Նիվա» մակնիշի մեքենան, որը պետական է, ոստիկանության հաշվեկշռում է, տեղափոխվել է մեքենաների հատուկ պահման վայր։
Այս թեմայի շուրջ թերթը փորձել է պարզաբանում ստանալ Գոռ Սարոյանից, նա չի պատասխանել հեռախոսազանգերին։