Ղազախստանի Ակտաու քաղաքում Azerbaijan Airlines ինքնաթիռի կործանումից հետո 25 մարդ հոսպիտալացվել է, հայտնում է Ղազախստանի ԱԻՆ–ը։
Կործանված ինքնաթիռի ուղևորների թվում, ինչպես հաղորդում են հեռագրային ալիքները, եղել են ռուսներ, տարբեր տվյալներով՝ 15-ից 60 մարդ։ Օպերատիվ շտաբը կործանման վայրում հայտնել է, որ ինքնաթիռում եղել է Ադրբեջանի 37, Ռուսաստանի՝ 16, Ղազախստանի՝ վեց և Ղրղզստանի երեք քաղաքացի։ Ղազախստանում ՌԴ դեսպանատունը ճշտում է տուժածների մասին տեղեկությունները։
Ավիաաղետի զոհերի մասին դեռ տվյալներ չկան։ Ավելի վաղ Ղազախստանի արտակարգ իրավիճակների նախարարությունը հայտնել էր, որ ինքնաթիռի կործանումից մի քանի մարդ է ողջ մնացել։