ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը հայտարարել է, որ Վաշինգտոնը մտադիր է կիրառել Ռուսաստանի դեմ սահմանված պատժամիջոցները և հույս է հայտնել, որ դրանք կհամոզեն նախագահ Վլադիմիր Պուտինին բանակցել: Նրա խոսքերը մեջբերում է Bloomberg-ը։
«Մենք ներմուծել ենք այս պատժամիջոցները և մտադիր ենք հասնել դրանց կիրառմանը», – ասել է Ուիթաքերը։
Նա ընդունել է, որ «գուցե այս քայլը Պուտինին կստիպի նստել բանակցությունների սեղանի շուրջ»: Ուիթաքերը կարծում է, որ հրադադարը կարող է լինել մեկնարկային կետը՝ Մոսկվայի և Կիևի միջև հակամարտության վերջնական կարգավորման հասնելու նպատակով: