ԵՐԵՎԱՆ, ՀՈԿՏԵՄԲԵՐԻ 28, 24News
Հռոմի Պապ Լևոն XIV-ը նոյեմբերի 30-ին՝ Սուրբ Անդրեաս առաքյալի տոնին, Թուրքիա կատարելիք իր առաքելական ճանապարհորդության ընթացքում կայցելի Հայաստանյայց Առաքելական Սուրբ Եկեղեցի։
«Արմենպրես»-ի հաղորդմամբ՝ այս մասին տեղեկացնում է Սուրբ Աթոռի մամուլի ծառայությունը։ Այցի ընթացքում Նորին Սրբությունը կմասնակցի աղոթքի, ինչը Պապի ծրագրում ներառված է որպես քրիստոնեական համերաշխության և էկումենիկ երկխոսության խորհրդանշական քայլ։
Հռոմի Պապի այցելությունը տեղի կունենա Նիկիայի առաջին տիեզերական ժողովի 1700-ամյակի շրջանակում, որի հոբելյանը համարվում է քրիստոնեական համընդհանուր եկեղեցու պատմության առանցքային տարեթվերից մեկը։