Ուկրաինայի նախագահ Վլադիմիր Զելենսկին հայտարարել է, որ գերագույն գլխավոր հրամանատարի շտաբի նիստում սահմանվել են նոր առաջադրանքներ՝ Ուկրաինայի Զինված ուժերի հեռահար հարվածների աշխարհագրությունը Ռուսաստանի խորքերում ընդլայնելու համար։ Այս մասին նա գրել է իր Telegram-յան ալիքում։
«Մենք վերլուծեցինք մեր հեռահար հարվածների արդյունավետությունը նշված ժամանակահատվածում, ստացված արդյունքները։ Ռուսաստանի նավթավերամշակման համակարգն արդեն վճարում է պատերազմի համար և կվճարի էլ ավելի։ Մենք սահմանեցինք առաջադրանքներ՝ մեր հեռահար հարվածների աշխարհագրությունը ընդլայնելու ուղղությամբ», — գրել է Զելենսկին։
Նրա խոսքով՝ շտաբի նիստում քննարկվել են նաև Ուկրաինայի էներգետիկ օբյեկտների պաշտպանության նոր կարիքները, ինչպես նաև գործընկերների հետ համագործակցության ուղղությունները՝ հակաօդային պաշտպանության համակարգերի մատակարարման հարցում։