ՀՀ պաշտպանության նախարարությունն արձագանքել է Կապանում հրազենային վիրավորում ստացած զինծառայողի վերաբերյալ մամուլում շրջանառվող լուրերին
ԵՐԵՎԱՆ, 27 հոկտեմբեր․/Նովոստի-Արմենիա/. ՀՀ պաշտպանության նախարարությունն արձագանքել է Կապանում հրազենային վիրավորում ստացած զինծառայողի վերաբերյալ մամուլում շրջանառվող լուրերին։
«Կապանի զորամասում զինծառայողներից մեկը թեթև մարմնական վնասվածք է ստացել զենքի օգտագործման կանոնների խախտման հետևանքով»,-նշվել է ՊՆ հաղորդագրության մեջ։
ՊՆ-ն նշել է նաև, որ զինծառայողի բուժումը կազմակերպվել է կայազորային հոսպիտալում, և Երևանի Կենտրոնական կլինիկական զինվորական հոսպիտալ տեղափոխելու անհրաժեշտություն չի առաջացել։
