Դոնալդ Թրամփը մեկնել է Մալայզիա, այնուհետև նա աշխատանքային հանդիպումներ կունենա Ճապոնիայում և Հարավային Կորեայում, ինչպես նաև կմասնակցի Հարավարևելյան Ասիայի երկրների ասոցիացիայի գագաթնաժողովին:
Նախքան թռիչքը լրագրողների հետ զրույցում ԱՄՆ նախագահը հույս է հայտնել, որ Չինաստանի նախագահ Սի Ծինփինի հետ հանդիպմանը հնարավորություն կունենա քննարկելու ռուս-ուկրաինական պատերազմը դադարեցնելու ուղիները:
«Մենք կցանկանայինք, որ Պեկինն օգներ մեզ Ռուսաստանի հարցում: Լուրջ պատժամիջոցներ ենք կիրառել Մոսկվայի դեմ»,- նշել է Սպիտակ տան ղեկավարը:
Լրագրողների հարցին՝ արդյոք Թրամփը չի՞ վախենում, որ պատժամիջոցները կարող են ստիպել Կրեմլին գնալ էսկալացիայի, Թրամփը պատասխանել է՝ ո՛չ:
ԱՄՆ նախագահը նաև հայտարարել է, որ պատրաստ է հանդիպել Հյուսիսային Կորեայի առաջնորդ Կիմ Չեն Ընի հետ:
«Ես բաց եմ դրա համար: Փհենյանը բազմաթիվ միջուկային զենքեր ունի, բայց կարծես խնդիրներ ունի հեռախոսային կապի հետ»,- հավելել է Թրամփը։
Դիտումների քանակ2