ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը «Ֆեյսբուք»-ի իր էջում գրառում է կատարել՝ անդրադառնալով Քոչարյանի շտաբի կողմից արված հայատարարությանը:
«Մայր Աթոռի անունից աթեիստ նախկին նախագահ Ռոբերտ Քոչարյանի նախընտրական շտաբը հայտարարություն է տարածել, որով չեմ ուզում ձեզ ծանրաբեռնել, միայն մի պարբերություն մեջբերեմ. «Կարևորությամբ ցանկանում ենք արձանագրել, որ նախկին եկեղեցականի կողմից ձեռնարկվող քայլերով խոչընդոտվում է Հովհաննավանքում սպասավորող քահանաների օրինավոր ծառայությունը, պղծվում է սրբավայրը…»:
Հատուկ այս շտաբի համար նշեմ, թե երբ է պղծվում եկեղեցին, օրինակ՝
- եթե եկեղեցում տեղի է ունենում անպատշաճ վարք, ինչպեսօրինակ՝ խմություն, անբարոյականություն կամ ծաղր սրբության նկատմամբ,
- երբ եկեղեցու ներսում իրականացվում են ոչ քրիստոնեական ծեսեր, անեծքներ,
- երբ ծայրագույնը ստիպում է եկեղեցականին որդեկորույս մորը տանել իշխանության դեմ բողոքի ցույցի,
- երբ ծայրագույնի քաղաքական կապրիզը չանելու համար եկեղեցու քահանային «աքսորում է» հեռավոր համայնք՝ հեռու ծեր ծնողից,
- երբ, երբ, երբ….
Ի դեպ, կարող եք գրել ձեր տարբերակները:
Թե դուք ի՞նչ կապ ունեք քրիստոնեության հետ»,- գրել է Հակոբյանը:
Հովհաննավանքի՝ Գարեգին Բ-ի կողմից կարգալույծ հռչակված հոգևոր հովիվ Տեր Արամը հայտնել է, որ պատրաստվում է կիրակի օրը եկեղեցում պատարագ մատուցել:
ՀՀ վարչապետ Նիկոլ Փաշինյանն ավելի ուշ հայտնել է, որ մասնակցելու է այդ պատարագին:
«Հայկական Ժամանակ»-ը Telegram-ում
Տպել
435 դիտում