Երևանի ավագանու «Մայր Հայաստան» խմբակցության անդամ Սամվել Հակոբյանի ֆեյսբուքյան գրառումը․ «Նրանք, ովքեր Գյումրիում այսօր կատարվողը ներկայացնում են որպես «կոռուպցիայի դեմ պայքար», պարզապես ծիծաղելի են և կեղծավոր։ Պարզապես չեք կարողանում մարսել, որ միասնական ընդդիմությունը վռնդեց ձեզ հայրաքաղաքից:
Դուք իրավունք չունեք խոսելու արդարադատությունից։ Ինչպե՞ս է լինում, որ բոլոր ընդդիմադիր համայնքապետերը հանկարծ հանցագործներ են, իսկ ձեր մարդիկ, ովքեր մինչև երեկ ոչինչ չունեին, այսօր հարստացել են և մնացել արդար գանձեր։
Ձեր իշխանատենչ և հակաօրինական գործողություններն ավելի հեշտացնելու և օրինակացնելու համար խորհուրդ եմ տալիս Աժ-ում օրենք ընդունեք, որ ընդդիմադիր համայնքապետերին կամ պետք է գնդակահարել, կամ՝ ձեռբակալել։ Դա է ձեր իշխանության էությունն ու պաշտոնական ստորագրությունը։
Երևանի քաղաքապետարանը խեղդված է կոռուպցիայի մեջ, բայց ոչ ոք պատասխան չի տալիս դրա համար՝ ընդամենը բռնել-բաց թողնելու էժան շոուի ցուցադրությամբ եք զբաղված։ Ինչո՞ւ: Որովհետև քպ են:
ANIF-ի 25.000.000.000-ը ո՞ւր է, այ չտես սուտասաններ:
Մի՛ խոսեք արդարությունից, դուք վաղուց դրա հետ կապ չունեք։
Իսկ միգուցե երբեք էլ կապ չեք ունեցել…»։