Apple-ը և «Ֆորմուլա 1»-ը կնքել են 750 միլիոն դոլարի բացառիկ հնգամյա հոսքային հեռարձակման պայմանագիր, հաղորդում է Variety-ն։
Հաջորդ տարվանից սկսած՝ Apple TV-ն կհեռարձակի «Ֆորմուլա 1»-ի բոլոր մարզումները, սպրինտ մրցավազքերը և Գրան Պրին անգլերեն և իսպաներեն լեզուներով՝ ԱՄՆ-ում հոսքային հեռարձակմամբ զբաղվող բաժանորդների համար: Բացի այդ, «Ֆորմուլա 1»-ի մրցաշրջանի ընթացքում ընտրված մրցավազքերը, ինչպես նաև բոլոր մարզումները, անվճար հասանելի կլինեն Apple TV հավելվածում՝ առանց բաժանորդագրության:
Apple-ից հայտարարել են, որ ընկերությունների համագործակցությունը «Ֆորմուլա 1»-ի հեռարձակումները կդարձնի «ավելի դինամիկ և ներգրավիչ»։ Երկու կողն էլ հույս ունեն, որ գործարքն առաջիկա տարիներին ԱՄՆ կգրավի նոր երկրպագուների։
Գործարքի ֆինանսական պայմանները պաշտոնապես չեն հրապարակվել: Variety-ի աղբյուրի համաձայն՝ Apple-ը համաձայնագրի համաձայն «Ֆորմուլա 1»-ին կվճարի տարեկան միջինը 150 միլիոն դոլար:
Ընկերության նախորդ հաջող համագործակցությունը հոլիվուդյան դերասան Բրեդ Փիթի մասնակցությամբ «Ֆորմուլա 1»-ի մասին ֆիլմն էր, որը դարձել էր դերասանի ամենաբարձր եկամուտ ունեցող ֆիլմը․ նա վաստակել էր ավելի քան 600 միլիոն դոլար։
