Երիտասարդութեան եւ մարմնակրթութեան նախարար դոկտ. Նորա Պայրագտարեան ընդունեց ՄԱԿ-ի Առողջապահութեան նախարարութենէն պատուիրակութիւն մը, որուն մաս կը կազմէր կազմակերպութեան Լիբանանի գրասենեակի ներկայացուցիչ դոկտ. Ապտի Նասեր Ապու Պաքեր, առողջապահութեան ամրապնդման հարցով թեքնիք պատասխանատու Ռաշա Համզա եւ տեղեկատուութեան բաժանմունքի պատասխանատու Հալա Հապիպ:
Հանդիպումի ընթացքին նախարարութեան ապագայ ծրագիրներու շուրջ խորհրդակցութիւն ու համակարգում կատարուեցաւ:
Ապու Պաքեր ողջունեց հրաւէրը եւ պատրաստակամութիւն յայտնեց գործակցութեան: Անդրադարձ կատարուեցաւ նախարարութեան առաքելութեան եւ նախարարութեան մօտ օրէն գործադրելիք մասնաւորաբար երիտասարդութեան ոլորտին մէջ ծրագիրներուն ու ձեռնարկներուն:
Խորհրդակցութիւն կատարուեցաւ շարք մը ծրագիրներու շուրջ, որոնց վրայ նախարարութիւնն ու կազմակերպութիւնը կրնան միասնաբար աշխատիլ:
Պատուիրակութիւնը ողջունեց եւ պատրաստակամութիւն յայտնեց անոնց գործադրութեան համար գործակցելու: