Չինաստանում ապրանքների առցանց վաճառքները ուղիղ եթերով (ստրիմի ձևաչափով) վերածվել են գրեթե ազգային երեւույթի․ դրանց միանում են նույնիսկ աշխարհի խոշորագույն ընկերությունների ղեկավարները։ Վերջերս Apple-ի ղեկավար Թիմ Կուքը անձամբ մասնակցել է ուղիղ եթերի Douyin հարթակում (չինական TikTok-ի համարժեքը)՝ ընկերության պաշտոնական էջից՝ պատմելով, թե ինչու է գնահատում նոր iPhone-ները։
Այսպիսի եթերները վաղուց են դարձել չինական առևտրային մշակույթի մի մասը․ դրանք անցկացվում են թե՛ սոցիալական ցանցերում, թե՛ առցանց խանութներում։ Օրինակ՝ Taobao-ն ունի սեփական հարթակ՝ Taobao Live, որտեղ հնարավոր է գնել ապրանքը հենց եթերի ընթացքում։
Ֆորմատը լայնորեն սիրված է, քանի որ դիտողները կարող են տեսնել ապրանքը մանրամասն, տալ հարցեր և տարբերել գովազդը իրական կարծիքից։ Բրենդների համար էլ այն շահավետ է՝ հետադարձ կապը անմիջական և արագ է։
Ռուսաստանում նույնպես սկսում է զարգանալ stream-commerce ուղղությունը․ ընկերությունները փորձարկում են այն Streamerce հարթակի միջոցով, սակայն մինչև Չինաստանի մասշտաբներին հասնելը դեռ երկար ճանապարհ կա։