Հոկտեմբերի 13-ին Գեղարքունիքի մարզպետ Կարեն Սարգսյանն անցկացրել է հերթական աշխատանքային խորհրդակցությունը՝ մարզպետի աշխատակազմի ստորաբաժանումների ղեկավարների մասնակցությամբ։
Խորհրդակցության ընթացքում քննարկվեցին մի շարք կարևոր հարցեր՝ ներառյալ՝
- տեղական բյուջեների եկամուտների հավաքագրման և ապառքների գանձման ընթացքը,
- պետական հիմնարկների աշխատակիցների՝ համայնքներին ունեցած հարկային պարտավորությունների մարումը,
- սուբվենցիոն և պետական ծրագրերով իրականացվող շինաշխատանքները,
- աղբահանության կազմակերպումը և Գավառագետի հունի մաքրման հարցերը։
Քննարկվեցին նաև՝
- Ճամբարակում գազի պայթյունից վնասված շենքի քանդման և նոր շինության նախագծի ձեռքբերումն ու հողահատկացումը,
- Խաչաղբյուրի կամրջի վերակառուցումը և մի շարք ճանապարհների հիմնանորոգումը։
Մարզպետի հանձնարարությամբ՝ հաջորդ՝ 2025 թ․ հոկտեմբերի 17-ին կայանալիք մարզխորհրդի նիստի ընթացքում պետք է ներկայացվի առաջնահերթ լուծում պահանջող հարցերի ցանկ։