Դատական նիստից առաջ ՀՀ նախկին նախագահ Սերժ Սարգսյանն անդրադարձել է նոր քաղաքական նախաձեռնություններին իր հնարավոր մասնակցությանը, մասնավորապես՝ նախկին ՄԻՊ Արման Թաթոյանի նախագծին, որը հոկտեմբերի 9-ին մեկնարկեց «Միասնության թևեր» քաղաքական նախաձեռնությունը։
Սարգսյանն ընդգծել է, որ ինքը նման կառույցների հետ կապ չունի և իր շուրջ ծավալված քննարկումները որակել որպես ենթադրություն։
«Մարդիկ կարող են բաժակ նայել և ենթադրություններ անել տարբեր կառույցներում իմ մասնակցության մասին։ Ինչ վերաբերում է նոր նախաձեռնություններին, ես բոլորին հաջողություն եմ մաղթում», – հայտարարել է Սարգսյանը։
Թաթոյանը հոկտեմբերի 9-ին պաշտոնապես մեկնարկել էր «Միասնության թևեր» անվամբ քաղաքական նախաձեռնությունը։ Նա այս մասին հայտարարել էր նախաձեռնության մեկնարկի միջոցառման իր ելույթում։
Նա քաղաքականություն մտնելու մասին հայտնել էր օրեր առաջ՝ հոկտեմբերի 6-ին: Թաթոյանը 2016-2021 թվականներին ՀՀ մարդու իրավունքների պաշտպանն էր:
