Այս տարվա հունիսի 23-ին ՌԴ ԱԴԾ-ն հրապարակել էր տեղեկատվություն, ըստ որի «Ալռոսա»-ից գողացված ադամանդները մաքսանենգ ճանապարհով հասել են Հայաստան ու հանձնվել են մի ընկերության, որի շահառուն գործարար, ՀՀ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանն է։
Միջազգային այս սկանդալի վերաբերյալ Panorama.am-ը գրավոր հարցում է ուղղել Գլխավոր դատախազությանը: Երեք ամիս շարունակ Գլխավոր դատախազությունը, խախտելով «Տեղեկատվության ազատության մասին» ՀՀ օրենքով նախատեսված ժամկետները, որևէ կերպ չի պատասխանել հարցերին։
Օրեր առաջ Դատախազության հանրային կապերի բաժնից կայքին հայտնել են, որ հունիսի 23-ի հրապարակման հիման վրա ուսումնասիրություն են սկսել՝ խոստանալով, որ արդյունքների մասին կտեղեկացնեն։