Պատմության ամենահայտնի գիտնականներից մեկի՝ Ալբերտ Էյնշտեյնի ջութակն աճուրդում վաճառվել է 860,000 ֆունտ ստեռլինգով, գրում է BBC-ն։
Նշվում է, որ 1894 թվականի «Զունտերեր» ջութակը, որը, ըստ ԶԼՄ-ի, Էյնշտեյնի առաջին ջութակն էր, վաճառքի է հանվել Գլոսթերշիր նահանգի Սաութ Սերնի քաղաքի «Դոմինիկ Վինթեր» աճուրդային տանը։
Փիլիսոփայության գիրքը, որն Էյնշտեյնը նվիրել էր ընկերոջը, նույնպես վաճառվել է 2,200 ֆունտ ստեռլինգով։
Աճուրդավարները կարծում են, որ միջնորդավճարը ավելացնելուց հետո վաճառքը կարող է լինել ամենաբարձրը մի ջութակի համար, որը չի պատրաստվել Ստրադիվարիուսի կողմից։
Նշվում է, որ շատերին հայտնի չէր, որ Էյնշտեյնը ջութակ է նվագել, մինչդեռ հայտնի գիտնականը ջութակ սկսել է նվագել 4 տարեկանից։
