Դուշանբեում կկայանա Ադրբեջանի և Ռուսաստանի նախագահներ Իլհամ Ալիևի և Վլադիմիր Պուտինի հանդիպումը։
Չորեքշաբթի օրը ավելի վաղ հաղորդվել էր, որ Ռուսաստանի նախագահը պետական այցով ժամանել է Տաջիկստան։
«Տաջիկստան այցի՝ նախապես հայտարարված ծրագրից բացի, կկայանա նաև Ռուսաստանի և Ադրբեջանի ղեկավարներ Վլադիմիր Պուտինի և Իլհամ Ալիևի հանդիպումը», – լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը։
Հոկտեմբերի 10-ին Դուշանբեում կկայանա ԱՊՀ պետությունների ղեկավարների խորհրդի նիստը։