https://arm.sputniknews.ru/20251008/qjuftajvov-shaurma-hvotdvog-u-burger-ejmiatsnum-qjuftaji-3-rd-paratvonn-er-94382501.html
Քյուֆթայով շաուրմա, հոթդոգ ու բուրգեր․ Էջմիածնում քյուֆթայի 3-րդ փառատոնն էր
Քյուֆթայով շաուրմա, հոթդոգ ու բուրգեր․ Էջմիածնում քյուֆթայի 3-րդ փառատոնն էր
Sputnik Արմենիա
Այսօր Էջմիածինը նշում է քաղաքի հիմնադրման 2710-ամյակը, տոնական միջոցառումների կողքին անցկացվում է նաև արդեն ավանդական դարձած Քյուֆթայի փառատոնը։ 08.10.2025, Sputnik Արմենիա
2025-10-08T17:26+0400
2025-10-08T17:26+0400
2025-10-08T17:26+0400
էջմիածին
քյուֆթա
տեսանյութեր
տեսանյութ
https://cdn.am.sputniknews.ru/img/07e9/0a/08/94384615_0:0:1281:720_1920x0_80_0_0_5b4cddc142f93b436b4b92995fc7cd87.jpg
Երբևէ փորձե՞լ եք քյուֆթայով կարկանդակներ, շաուրմա, բուրգեր, հոթդոգ։ Եթե դեռ ոչ, ուրեմն ներկա չեք եղել Էջմիածնի քյուֆթայի փառատոնին։ Արդեն 3-րդ անգամ անցկացվող փառատոնի «գլխավոր հերոս» քյուֆթան յուրահատուկ ձևով ներկայացնելու համար մասնակիցները ջանք ու եռանդ չեն խնայում։ Փառատոնն առաջին անգամ անցկացվել է 2019թ․-ին, հետո եկավ քովիդի համավարակը, ու փառատոնին հերթ չէր հասնում։ 4 տարվա ընդմիջումից հետո 2024թ․-ից փառատոնը վերադարձավ Էջմիածին։Թեպետ լավագույն քյուֆթայի հայրենիքի տիտղոսի համար Էջմիածնի հետ պայքարում է Գավառը, բայց էջմիածնեցիները պնդում են՝ լավագույնն իրենցն է, դրա համար էլ փառատոնը հասցրել է սիրվել ոչ միայն տեղացիների կողմից, զբոսաշրջիկների թիվն էլ է մեծացել։Այս տարի առանձին տաղավարով փառատոնին մասնակցում էր նաև «Երջանկության ճանապարհ» մտավոր զարգացման խնդիր ունեցող 18-65 տարեկան անձանց ցերեկային զբաղվածության կենտրոնը։ Տաղավարում ներկայացված էին կենտրոնի շահառուների ձեռքերով պատրաստված կերակուրներ։ Կենտրոնի սոցիալ-հոգեբան Հռիփսիմե Արսենյանի խոսքով՝ շահառուները մեծ ոգևորությամբ են պատրաստվել օրվան։«Մեզ համար այս փառատոնը նաև հնարավորություն է ներկայանալու հանրությանը, նաև պաշտոնյաներին, պատմելու մեր մասին»,- ասում է Հռիփսիմեն։Ի դեպ, այս տարի քաղաքն առանձնահատուկ մեծ թվով հյուրեր է ունեցել, քանի որ նշվում է Էջմիածնի 2710-ամյակը։
էջմիածին
2025
Լուրեր
am_HY
https://cdn.am.sputniknews.ru/img/07e9/0a/08/94384615_153:0:1113:720_1920x0_80_0_0_1e3807496d1a05fe86822ca9fcfd3c8b.jpg
էջմիածին, քյուֆթա, տեսանյութեր, տեսանյութ, видео
էջմիածին, քյուֆթա, տեսանյութեր, տեսանյութ, видео
Այսօր Էջմիածինը նշում է քաղաքի հիմնադրման 2710-ամյակը, տոնական միջոցառումների կողքին անցկացվում է նաև արդեն ավանդական դարձած Քյուֆթայի փառատոնը։
Երբևէ փորձե՞լ եք քյուֆթայով կարկանդակներ, շաուրմա, բուրգեր, հոթդոգ։ Եթե դեռ ոչ, ուրեմն ներկա չեք եղել Էջմիածնի քյուֆթայի փառատոնին։ Արդեն 3-րդ անգամ անցկացվող փառատոնի «գլխավոր հերոս» քյուֆթան յուրահատուկ ձևով ներկայացնելու համար մասնակիցները ջանք ու եռանդ չեն խնայում։ Փառատոնն առաջին անգամ անցկացվել է 2019թ․-ին, հետո եկավ քովիդի համավարակը, ու փառատոնին հերթ չէր հասնում։ 4 տարվա ընդմիջումից հետո 2024թ․-ից փառատոնը վերադարձավ Էջմիածին։
Փառատոնի մասնակիցներից Գևորգ Մուրադյանն ասում է՝ սա հրաշալի հնարավորություն է Էջմիածնի խոհանոցի այցեքարտային կերակրատեսակը ներկայացնելու համար։ Նրա խոսքով՝ հենց Էջմիածինն է քյուֆթայի բնօրրանն ու հայրենիքը։
Թեպետ լավագույն քյուֆթայի հայրենիքի տիտղոսի համար Էջմիածնի հետ պայքարում է Գավառը, բայց էջմիածնեցիները պնդում են՝ լավագույնն իրենցն է, դրա համար էլ փառատոնը հասցրել է սիրվել ոչ միայն տեղացիների կողմից, զբոսաշրջիկների թիվն էլ է մեծացել։
Այս տարի առանձին տաղավարով փառատոնին մասնակցում էր նաև «Երջանկության ճանապարհ» մտավոր զարգացման խնդիր ունեցող 18-65 տարեկան անձանց ցերեկային զբաղվածության կենտրոնը։ Տաղավարում ներկայացված էին կենտրոնի շահառուների ձեռքերով պատրաստված կերակուրներ։ Կենտրոնի սոցիալ-հոգեբան Հռիփսիմե Արսենյանի խոսքով՝ շահառուները մեծ ոգևորությամբ են պատրաստվել օրվան։
«Մեզ համար այս փառատոնը նաև հնարավորություն է ներկայանալու հանրությանը, նաև պաշտոնյաներին, պատմելու մեր մասին»,- ասում է Հռիփսիմեն։
Ի դեպ, այս տարի քաղաքն առանձնահատուկ մեծ թվով հյուրեր է ունեցել, քանի որ նշվում է Էջմիածնի 2710-ամյակը։