Նարե Մխիթաարյանը ֆեյսբուքյան իր էջում գրել է․
Դուք ամբողջովին ու հիմնովին սպառված քաղաքական կապիտալ եք, հարգելի՛ պարոն նախագահ: Ասում եմ՝ որպես մարդ, ով 2021թ. ընտրել է Ձեզ:
Մենք գիտենք՝ ով է նիկոլ փաշինյանն ու ինչ է անում, բայց դադարել ենք հասկանալ՝ ո՞վ եք Դուք ու ի՞նչ եք անում:
Լուրջ համարում եք, որ նիկոլը «եթե աղջիկ ծնվեր ազգի խայտառակություն կլիներ»: Հիմա այդպիսին չի՞:
Անհամ հումորների ժամանակն անցել է, պարոն նախագահ: Եկել է ճշմարտությունն ասելու ժամանակը:
2021թ. Ձեր անհեռատեսության և քաղաքական սխալ հաշվարկի պատճառով նիկոլը շռնդալից վերարտադրվեց: Մենք կորցրեցինք Արցախը: Դուք, պարոն նախագահ, տանուլ տվեցիք մարտը՝ կորցնելով ամեն ինչ՝ անգամ սեփական ծնողների գերեզմանը:
Հիմա զոհասեղանին Հայաստանի Հանրապետությունն է: նիկոլի 3-րդ վերարտադրությունը կոչնչացնի Հայաստանը՝ հիմնովին ու անվերադարձ:
Դադարեք լսել Ձեր կողքին ընտրությունից-ընտրություն կուտակվող լուզեռներին, որոնք գալիս են «մի բան փախցնելու»:
Հայաստանն ակնհայտ գնում է Մոլդովայի և Վրաստանի ճանապարհով, այն է՝ ցածր մասնակցության պայմաններում ռեժիմի շռնդալից հաղթանակ:
Եթե նիկոլը ևս մեկ անգամ վերարտադրվեց, Դուք եք դառնալու «ազգային խայտառակության» սիմվոլ, պարոն նախագահ: Կա՛մ աշխատող լուծում առաջարկեք, կա՛մ հեռացեք: