Հայաստանի հավաքականները հաղթանակով են մեկնարկել 2025 թվականի շախմատի Եվրոպայի թիմային առաջնությունում
Հայաստանի հավաքականները հաղթանակով մեկնարկեցին 2025 թվականի շախմատի Եվրոպայի թիմային առաջնությունում, հայտնում են Հայաստանի շախմատի ֆեդերացիայից։
Տղամարդկանց հավաքականը 2.5:1.5 հաշվով առավելության է հասել Լիտվայի հավաքականի նկատմամբ: Հաղթանակ են տարել Շանթ Սարգսյանը (1-ին խաղատախտակ) և Արամ Հակոբյանը (4-րդ խաղատախտակ):
Կանանց հավաքականը նույնպես 2.5:1.5 հաշվով առավելության է հասել Էստոնիայի հավաքականի նկատմամբ:
Հաղթանակ են տարել Մարիամ Մկրտչյանը (2-րդ խաղատախտակ) և Սուսաննա Գաբոյանը (4-րդ խաղատախտակ):
2-րդ խաղափուլը կմեկնարկի հոկտեմբերի 6-ին՝ Հայաստանի ժամանակով 15:00-ին: