ՖԻՖԱ-ն արձագանքել է երկրպագուների քննադատությանը, ովքեր առաջիկա Աշխարհի առաջնության տոմսերի գները չափազանց բարձր են համարում։ ESPN-ի հաղորդմամբ, ՖԻՖԱ-ի այս հարցի վերաբերյալ տարածված հայտարարության մեջ ասվում է հետևյալը.
«Մենք կենտրոնացած ենք մեր խաղին արդար մուտք ապահովելու վրա և առաջարկում ենք խմբային փուլի տոմսեր՝ սկսած 60 դոլարից, որը շատ մրցունակ գին է ԱՄՆ-ում անցկացվող խոշոր համաշխարհային մարզական միջոցառման համար։
ՖԻՖԱ-ն կարող է հաստատել, որ կպահպանի երկրպագուների որոշակի կատեգորիաների համար հատկացված պահուստային քվոտաները, և որ այդ քվոտաները կսահմանվեն ֆիքսված գնով»։
Նշվում է, որ տոմսերի միջին գները գրեթե երեք անգամ ավելի բարձր կլինեն, քան Քաթարում կայացած նախորդ մրցաշարում։