«Փոխանակ զբաղվեք խնդիրները լուծելով, գիտե՞ք ինչով եք զբաղված՝ ընդդիմադիրներին հետապնդելով։ Մենք էլ մեր մաշկի վրա զգում ենք դա՝ տնից դուրս ենք գալիս մի քանի օպերատիվ աշխատող մեր հետևից ֆռում են»,- այսօր ԱԺ նիստի ժամանակ հայտարարեց «Հայաստան» խմբակցության պատգամավոր Գառնիկ Դանիելյանը։
«Ասում եք՝ պաշտպանում է, բայց ես այդ պաշտպանվածությունը չեմ տեսնում, մարդ, ում մեքենան 7 անգամ թալանել են, 2 անգամ ջարդել, մի անգամ էլ այրման փորձ արել։ Բա որ պաշտպանում են, խի ա՞ տենց բաներ կատարվում»,- ասել է ընդդիմադիր պատգամավորը՝ իր ելույթում խոսելով վերջին շրջանում կատարված սպանությունների և իշխանության անելիքների մասին։