«Ինչպե՞ս եք գնահատում վարչապետ Նիկոլ Փաշինյանի ԵԽԽՎ ելույթի ժամանակ հնչեցրած այն միտքը, որ «Կարևոր է նաև անհետ կորած անձանց ճակատագրի պարզաբանումը և երկարատև կոնֆլիկտի հետևանքով անազատության մեջ հայտնված անձանց խնդիրների հասցեականացումը»»․Բաքվում պահվող հայ գերիների ու նրանց իրավունքների վերաբերյալ կազմակերպված քննարկման ժամանակ հարցրեց լրագրողը։ ««Անազատության մեջ պահվող անձ»-ը բավականին չեզոք և ընդգրկուն հասկացություն է՝ բարձր ամբիոնից վիճակը նկարագրելու համար»,-պատասխանեց Եվրոպական դատարանում գերիների շահերի պաշտպան Սիրանուշ Սահակյանը: «Ես այստեղ սկզբունքային խնդիր եմ տեսնում՝ բնույթի հետ կապված, օրինակ ՀՀ-ում կալանավորված կամ դատապարտված և օրինական պատիժ կրող անձինք բոլորը անազատության մեջ գտնվող անձինք են։ Արդյո՞ք մենք չպիտի խոսեինք այդ անազատության բնույթի մասին՝ համարձակորեն նշելով, որ անազատության մեջ գտնվելը ապօրինի է, ոչ օրինական և սա է պահանջը, որ միջազգային հնարությունը, ՀՀ իշխանությունը, հասարակությունը պետք է պահանջատեր լինեն ապօրինի ազատությունից զրկված անձանց անհապաղ ազատ արձակմանը։ Կարծում եմ՝ այս կարևոր իրավական որակումը պետք է տրվեր նաև քաղաքական ամբիոնից, և սա չանելն է, որ մեզ մոտ տարակուսանք է առաջացնում»,- նշեց Սիրանուշ Սահակյանը։