«Մանչեսթեր Յունայթեդի» կենտրոնական պաշտպան Մաթեյս դե Լիգտը խոսել է թիմի գլխավոր մարզիչ Ռուբեն Ամորիմի քննադատության մասին՝ Պրեմիեր Լիգայում «Բրենտֆորդից» կրած 1-3 հաշվով պարտությունից հետո։
«Միշտ հեշտ է քննադատել մարզչին, բայց, վերջիվերջո, խաղադաշտում գտնվող ֆուտբոլիստներն են, ովքեր պետք է ամեն ինչ անեն», – հոլանդացի պաշտպանի խոսքերն է մեջբերում BBC-ն։
Դե Լիգտը այս մրցաշրջանում ակումբի կազմում անցկացրել է յոթ խաղ բոլոր մրցաշարերում՝ առանց գոլ խփելու։
«Մանչեսթեր Յունայթեդը» ներկայումս Պրեմիեր Լիգայի մրցաշարային աղյուսակում զբաղեցնում է 14-րդ տեղը՝ վեց խաղից հետո վաստակած յոթ միավորով։