«Մանչեսթեր Սիթիի» մարզիչ Խոսեպ Գվարդիոլան անդրադարձել է թիմի աջ պաշտպանի հետ կապված խնդիրներին։ Աբդուկոդիր Խուսանովը, որը վնասվածք ուներ, վերջին խաղերում զբաղեցրել է աջ պաշտպանի դիրքը։
Լրագրողները հարցրել են իսպանացի մարզչին, թե արդյոք ակումբին նոր խաղացող է պետք այդ դիրքի համար։
«Դեռ չգիտեմ։ Ես գոհ եմ Խուսանովից, որը վերջերս խաղում էր աջ կողմում։ Այնտեղ կարող են խաղալ նաև Մաթեուս Նունյեսը, Ռիկո Լյուիսը և նույնիսկ Ջոն Սթոունսը։ Այդ առումով ամեն ինչ լավ է, բայց դեռ չգիտեմ՝ ակումբը նոր խաղացող է փնտրում, թե ոչ», – Գվարդիոլայի խոսքերն է մեջբերել City Report-ը։
«Քաղաքացիները» շաբաթ օրը տանը կխաղան «Բարնլիի» դեմ։